“Peşəni Peşəkarlardan Dinlə” : Mingəçevirdə təhsil və biznes bir araya gəldi

Mingəçevir Turizm Kollecində turizm sahəsində peşəkarların təcrübəsini tələbə və müəllimlərlə bölüşmək məqsədilə “Peşəni Peşəkarlardan Dinlə” adlı sərgi və dəyirmi masa təşkil olunub.

Sərgidə əsasən Mingəçevir və ətraf rayonların turizm obyektləri iştirak edib. Qonaqlara və kollecin kollektivinə turizm müəssisələrinin xidmət və məhsulları barədə ətraflı məlumat verilib, praktiki nümunələr təqdim olunub.

Sərgi çərçivəsində keçirilən dəyirmi masada isə təhsil, turizm, dövlət idarəçiliyi və biznes nümayəndələri bir araya gələrək, turizm sektorunda kadr hazırlığı, praktiki təcrübənin artırılması və gələcək əməkdaşlıq perspektivlərini müzakirə ediblər.

Mingəçevir Turizm Kollecinin direktoru Kamal Əhmədov çıxışında belə tədbirlərin tələbələrin nəzəri biliklərini real iş mühiti ilə əlaqələndirmək baxımından çox vacib olduğunu vurğulayıb. O qeyd edib ki, işəgötürənlərlə birbaşa əlaqələrin qurulması peşə təhsilinin keyfiyyətini yüksəldəcək və məzunların əmək bazarında rəqabət qabiliyyətini artıracaq.

Dövlət Turizm Agentliyinin Təlim və Təhsil sektorunun müdiri Günay Fərzəliyeva-Qulusoy dövlət səviyyəsində turizm kadrlarının hazırlanmasına dəstəyin əhəmiyyətini bildirib. O, kolleclə biznes subyektləri arasında əməkdaşlığın genişləndirilməsinin ölkə turizminin inkişafına ciddi töhfə verəcəyini vurğulayıb.

Mingəçevir Şəhər İcra Hakimiyyətinin sektor müdiri Elşən Əliyev Mingəçevirin turizm potensialının artırılmasında bu cür təşəbbüslərin mühüm rol oynadığını qeyd edib və yerli icra hakimiyyəti olaraq belə layihələrə hər cür dəstəyə hazır olduqlarını bildirib.

YAP Mingəçevir təşkilatının sədri Bəxtiyar Mustafayev gənclərin peşəkar inkişafına yönəlmiş tədbirlərin əhəmiyyətini xüsusi vurğulayaraq, belə layihələrin gəncləri əmək bazarına daha yaxşı hazırlamağa imkan yaradacağını deyib.

Mingəçevir Dövlət Universitetinin rektoru Anar Eminov ali və orta ixtisas təhsili müəssisələri arasında əlaqələrin gücləndirilməsinin vacibliyini qeyd edib və birgə layihələr, seminarlar və təcrübə proqramları həyata keçirməyə hazır olduqlarını vurğulayıb.

“Qafqaz Riverside Resort Hotel”in İnsan Resursları üzrə direktoru Babək Mustafayev işəgötürən tərəf kimi çıxış edərək tələbələrin praktiki biliklərə yiyələnməsinin əhəmiyyətini önə çəkib. O, kolleclə əməkdaşlıq çərçivəsində təcrübə proqramlarının təşkili və perspektivli məzunlar üçün iş yerlərinin yaradılmasına hazır olduqlarını bildirib.

Tədbir iştirakçıları turizm sektorunda peşə təhsilinin keyfiyyətinin yüksəldilməsi və təhsil müəssisələri ilə işəgötürənlər arasında davamlı əməkdaşlığın zəruriliyini yekdilliklə qeyd ediblər.

Müasir Azərbaycanın memarına ehtiram: Mingəçevirdə Heydər Əliyev irsinə həsr olunmuş konfrans keçirilib

4 may 2026-cı ildə Mingəçevir şəhərində Ailə, Qadın və Uşaq Problemləri üzrə Dövlət Komitəsi və Yeni Azərbaycan Partiyasının birgə təşkilatçılığı ilə “Heydər Əliyev irsini öyrənirik” layihəsi çərçivəsində “Müasir Azərbaycan dövlətinin memarı” mövzusunda konfrans keçirilib.

Tədbirdən öncə ümummilli lider Heydər Əliyevin abidəsi ziyarət olunub, önünə gül dəstələri qoyulub. Daha sonra Dövlət Himni səsləndirilib, Heydər Əliyevin və ölkəmizin ərazi bütövlüyü, suverenliyi uğrunda həlak olan şəhidlərimizin əziz xatirəsi bir dəqiqəlik sükutla yad edilib.

Ümummilli liderin zəngin və şərəfli ömür yoluna həsr olunmuş videoçarx nümayiş etdirildikdən sonra çıxışlara start verilib. Mingəçevir Şəhər İcra Hakimiyyətinin başçısı İlham İsmayılov, YAP Veteranlar Şurasının sədr müavini, Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova, YAP Mingəçevir təşkilatının sədri Bəxtiyar Mustafayev və Mingəçevir Dövlət Universitetinin rektoru Anar Eminov açılış nitqləri ilə çıxış ediblər. Natıqlar müasir və müstəqil Azərbaycan dövlətinin memarı Heydər Əliyevin rəhbərliyi ilə ölkədə ictimai-siyasi və sosial-iqtisadi sahələrdə qazanılmış tərəqqidən, demokratik dövlət quruculuğundan, elm və təhsilə göstərilən xüsusi diqqət və qayğıdan, əhalinin rifah halının yaxşılaşdırılması və hərtərəfli inkişafın təmin olunması istiqamətində həyata keçirilən mühüm işlərdən danışıblar.

Konfransın davamında YAP Veteranlar Şurasının üzvü, Əməkdar müəllim Fidumə Hüseynovanın moderatorluğu ilə panel sessiya keçirilib. Sessiyada YAP Veteranlar Şurasının üzvü Əli Həsənov, Milli Məclisin Hüquq siyasəti və dövlət quruculuğu komitəsinin sədri Əli Hüseynli, Milli Məclisin deputatı Aydın Mirzəzadə və Mingəçevir Dövlət Universitetinin müəllimi Xədicə Süleymanlı iştirak ediblər. Spikerlər ulu öndərin zəngin dövlətçilik irsi və müasir Azərbaycan dövlətinin qurulmasında, inkişafında müstəsna rolundan ətraflı bəhs edib, iştirakçıların suallarını cavablandırıblar.

Qeyd edək ki, tədbirdə əsasən gənclər iştirak edib.

MVA “Yaşıl Yol Xəritəsi” üzrə yeni layihəyə başlayır

Dünyanın müxtəlif ölkələrində təşkilatlar və şirkətlər tədbirlərini daha dayanıqlı etmək barədə düşünürlər. Dayanıqlılıq dövri iqtisadiyyat prinsiplərinə əməl olunması, davamlı inkişaf məqsədlərinin dəstəklənməsidir. Bu, tədbirlər sənayesində sadəcə bir dəb deyil, həm də müasir dövrün vacib tələblərindən biridir. “Mingəçevir Valideynlər Assosiasiyası” İctimai Birliyinin “Yaşıl Yol Xəritəsi” adlanan yeni layihəsi də bu məqsədə xidmət edir.

İctimai Birliyin və layihənin rəhbəri Fərman Nəbiyevin açıqlamasına görə, mayın 1-dən başlayan və 4 ay davam edəcək layihə çərçivəsində Mingəçevir, Gəncə və Bərdədə hökumət, QHT və kommersiya qurumlarının nümayəndələri üçün canlı təlimlər təşkil ediləcək: “Onlara davamlı tədbirlərin idarə edilməsinin tərəfləri və vəzifələri, tədbirlərin ətraf mühitə təsiri və ekoloji izi, tədbir məkanının, qonaqlar və iştirakçılar üçün yaşayış yerinin seçilməsi, tədbirlərin təşkilində inklüziv yanaşmalar, qidalanma və davamlı inkişaf, davamlı tədbirlər sahəsində standartlar və sertifikatlar barədə ətraflı izahat veriləcək. Layihənin sonunda dövlət, vətəndaş cəmiyyəti və biznes təşkilatlarına tədbirlərini davamlı, ətraf mühitə uyğun, sosial-iqtisadi cəhətdən faydalı və inklüziv etmək üçün Davamlı Tədbirlər Bələdçisi hazırlamaqda mentor dəstəyi göstəriləcək. Nəticədə hər 3 bölgə üzrə tullantı miqdarının 20% azalmasına şərait yaranacaq”.

Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir.

“Yaşıl yol xəritəsi” bu il pilot layihədir, növbəti illərdə əksər rayonları və qurumları əhatə edə bilər

2026-cı ildə bölgələrdə fəaliyyət göstərən dövlət, vətəndaş cəmiyyəti və biznes təşkilatları üçün Davamlı Tədbirlər Bələdçisinin hazırlanması və təlimlərlə tətbiqini həyata keçirəcəyik. Qeyri-Hökumət Təşkilatlarına Dövlət Dəstəyi Agentliyinə etdiyimiz müraciəti dəstəklədiyi üçün Agentliyin Müşahidə Şurasının üzvlərinə, Agentliyin rəhbərliyinə, hörmətli Aygün xanım başda olmaqla bütün kollektivə təşəkkür edirəm. İnanıram ki, Mingəçevir Valideynlər Assosiasiyasının “Yaşıl yol xəritəsi” bu il pilot layihə olsa da, növbəti illərdə əksər rayonları və qurumları əhatə edəcək.

Fərman NƏBİYEV,

Mingəçevir Valideynlər Assosiasiyasının prezidenti

Ağrısız həyat üçün sadə məşqlər!

Mingəçevir Resurs Mərkəzində "Sağlam Yaşam"la sağlamlığınızı qoruyun!

Diqqət! Kompüter işçiləri, sürücülər, həkimlər, müəllimlər, mühəndislər, idmançılar, tələbələr və oturaq həyat tərzi sürənlər!
Uzun müddət eyni vəziyyətdə işləmək, az hərəkət və ya ağır fiziki işlər bel, boyun, çiyin, oynaq və digər nahiyələrdə ağrılar, xroniki problemlər və zədələnmələrə səbəb olur.

Yaxşı xəbər! Sadə və xüsusi idman hərəkətləri ilə bu problemləri aradan qaldırmaq mümkündür. Bu hərəkətlər hətta məhdud hərəkət qabiliyyəti olanlar üçün də uyğundur. Ağrılar azaldılır, məşqlər isə rahatlıqla icra olunur.

Nəticələr:

• Ağrılardan azad olma;

  
  

• Fiziki və mənəvi sağlamlığın yaxşılaşması;

  
  

• Problemlərdən qorunma.

  
  

Məşqlərə gündə və ya müəyyən günlərdə 1-2 saat ayırmaq kifayətdir. Öyrəndikdən sonra evdə və ya iş yerində asanlıqla tətbiq edə bilərsiniz. Hərəkətlər sizin probleminizə uyğun seçilir, yorğunluq və ya əziyyət yaratmır.

Vacib qeyd: Uyğun olmayan məşqlər vəziyyəti ağırlaşdıra bilər. Peşəkar yanaşma ilə sağlamlığınızı yaxşılaşdırmaq üçün bizə müraciət edin!

Hər kəs yaşından və sağlamlıq vəziyyətindən asılı olmayaraq bədənini yaxşılığa doğru dəyişə bilər.

Sağlamlığınızı bizimlə qoruyun!

Mingəçevir Resurs Mərkəzi MMC-nin

“Sağlam Yaşam” sosial sahibkar müəssisəsi

Ünvan: Rəsul Rza küçəsi, 23

WhatsApp: +994703759986

Mingəçevir Valideynlər Assosiasiyası İctimai Birliyi üçün Davamlı Tədbirlər Bələdçisi

📅 Qəbul tarixi: 3 Avqust 2025-ci il
♻️ Yenilənmə tarixi: 24 oktyabr 2025-ci il (Hər il oktyabr ayında nəzərdən keçirilir)
👥 Hazırlayanlar: MVA İB Təlim və Davamlılıq İşçi Qrupunun üzvləri (Yeganə Nəbiyeva, Mehparə Rəhimova, Elvira Əsgərova)
👤 Rəhbər: Nəbiyev Fərman Bəhram oğlu
✅ Qəbul edən: “Mingəçevir Valideynlər Assosiasiyası” İctimai Birliyinin İdarə Heyəti (Fərman Nəbiyev-birliyin prezidenti və İH-nin sədri, Yeganə Nəbiyeva-İH sədrinin müavini, İsmayıl İsmayılov-İH-nin üzvü, Vaqif Həsənov-İH-nin üzvü, Aynur Quliyeva-İH-nin üzvü)

🎯 Məqsəd

Bu bələdçi “Mingəçevir Valideynlər Assosiasiyası” İctimai Birliyinin tədbirlərinin davamlı, ekoloji, sosial və iqtisadi cəhətdən faydalı şəkildə təşkil olunmasını təmin etmək üçün hazırlanmışdır. Məqsəd tədbirlərin inklüziv, əlçatan və uzunmüddətli fayda gətirməsidir.

📌 Tətbiq dairəsi

📖 Terminlər lüğəti

🌍 Davamlı İnkişaf Məqsədləri (DİM)

“Mingəçevir Valideynlər Assosiasiyası” İctimai Birliyinin tədbirləri aşağıdakı qlobal məqsədlərə töhfə verir:

• 🏥 DİM 3: Sağlamlıq və rifah

  
  

• 📚 DİM 4: Keyfiyyətli təhsil

  
  

• 👩‍👩‍👧 DİM 5: Gender bərabərliyi

  
  

• 🏙️ DİM 11: Davamlı şəhərlər və icmalar

  
  

• 🔄 DİM 12: Məsuliyyətli istehlak və istehsal

  
  

• 🌱 DİM 13: İqlim dəyişikliyinə qarşı tədbirlər

  
  

📊 Vizual Diaqram:

DİM Təsiri (MVAİB Tədbirləri)

│■■■■■■■■■■■ DİM 3

│■■■■■■■■■■■■■■■■ DİM 4

│■■■■■■■■■■ DİM 5

│■■■■■■■■■■■■ DİM 11

│■■■■■■■■■■ DİM 12

│■■■■■■■■■ DİM 13

(Daha çox fokus DİM 4 və DİM 11 üzərindədir.)

♻️ Davamlılıq aspektləri

1. Ekoloji aspektlər

• ⚡MVA İB öz tədbirlərində enerji və su istifadəsini azaldacaq və bunu təşviq edəcək;

  
  

• 🗑️ Tullantıların çeşidlənməsi üçün ayrıca qutular qoyacaq;

  
  

• 🚍Tədbirə gələnlər və digərləri üçün ictimai nəqliyyatı təşviq edəcək, öz şəxsi maşınları ilə tədbirə qatılanların deyil, ictimai nəqliyyatla gələnlərin ezamiyyə xərclərini qarşılayacaq;

  
  

• 🛒Mümkün olduqca yerli və ekoloji təmiz məhsullardan istifadəyə nail olacaq. Bu məqsədlə yerli fermərlərlə birbaşa əlaqə yaratmaqla tədbirlərdə onların məhsullarından istifadə edəcək);

  
  

• ♻️Öz tədbirlərində birdəfəlik qabları, xüsusən plastik qabları azaltmaqla çox istifadə olunan qablara (şüşə stəkan və keramik boşqablar) üstünlük verəcək.

  
  

• ♻️Çox istifadə olunan qablardan istifadə olunmasını hökumət, qeyri-hökumət və biznes qurumlarına tövsiyə edəcək.

  
  

2. Sosial aspektlər

• ♿ Əlilliyi olan şəxslər üçün əlçatanlıq, xüsusən tədbir keçirilən yerlərin əlilliyi olan şəxslər üçün tələblərə cavab verməsi önəm daşıyacaq;

  
  

• 🏘️ Tədbirlərə yerli icma nümayəndələri, bələdiyyə üzvləri, eyni zamanda keçmiş məcburi köçkünlər cəlb ediləcək;

  
  

• 👩 Qadın və gənc anaların aktiv iştirakına şərait yaradılacaq;

  
  

• 🛡️ Bütün iştirakçıların təhlükəsizliyinə və sağlamlığına ciddi diqqət yetiriləcək;

  
  

• 📚 Məktəb və məktəbəqədər müəssisələrlə daimi əlaqə qurmaqla şagird və tələbələrin fiziki və mənəvi inkişafına və sağlamlığına diqqət yetirəcək.

  
  

3. İqtisadi aspektlər

• 💼 Yerli bizneslər dəstəklənəcək. Xüsusən konfrans zallarından istifadə, kofe fasilələri və nahar üçün onlara sifariş veriləcək və daha çox yerli biznesin imkanlarından istifadə olunacaq;

  
  

• 🔍 Büdcənin şəffaflığı əsas şərt olacaq, donorlar və bütün layihə tədbirlərinin büdcəsi haqqında məlumat tələb əsasında ictimaiyyətə təqdim edilə bilər;

  
  

• 🤝 Yerli İcra hakimiyyəti, bələdiyyə, vətəndaş cəmiyyəti və digər qurumlara sponsorluq, tərəfdaşlıq və əməkdaşlıq təklifləri göndəriləcək və bu siyahıya davamlı olaraq yeni təşkilatlar daxil ediləcək;

  
  

• ⚖️ İcma üçün ədalətli iqtisadi təsir məqsədilə və yerli Bələdiyyə yanında məhəllə komitələri və digər icma qruplarının iqtisadi səlahiyyətləndirilməsi üçün davamlı tədbirlər icra edəcək;

  
  

• ☀️Əhalinin, dövlət, qeyri-dövlət və özəl qurumların alternativ enerji mənbələrindən istifadəsinə marağı artırmaq üçün enerji səmərələiliyi ilə bağlı ekoloji-maarifləndirici yönümlü layihələr həayata keçirəcək.

  
  

📈 Resurs istifadəsi statistikası (təxmini göstəricilər):

Metodik izahat: Faizlər = (Qənaət edilmiş miqdar / Əvvəlki istifadə) × 100. Məlumatlar 2024-2025 illəri əhatə edir və Assosiasiyanın monitorinqi əsasında toplanıb.

📝 Tədbirlərin təşkili üzrə addımlar

📊 Tədbirlər üzrə nümunəvi siyahı

🚧 Çətinliklər və həll yolları

📊 Çətinliklərin paylanma diaqramı:

• 💰 Maliyyə – 40%

  
  

• 📚 Bilik – 25%

  
  

• 📦 Təchizat – 20%

  
  

• ♿ İnklüzivlik – 15%

  
  

🔎 İdarəetmə və monitorinq

• 📌 Məsul şəxslər: Təşkilat rəhbəri və idarə heyəti;

  
  

• 🗓️ Qiymətləndirmə: Hər rüb koordinatorların iştirakı ilə görüşlər təşkil olunacaq;

  
  

• 🗣️ Rəylər:Anonimvə ünvanlı sorğularvasitəsilə toplanacaq;

  
  

• 🔄Dəyişikliklər: İllikhesabatlara əsasənyenilənmələrediləcək.

  
  

📂Həyata keçiriləcək ssenarilər

1. 📚Təhsilseminarı:Gənclərin biznes və sahibkarlıq fəaliyyətinə hazırlanmasına dəstək üçün Mingəçevir Dövlət Universitetinin tələbləri üçün "İdeyadan Uğura: Startapın başlanğıcı" və digər mövzularda 6 təlim keçiləcək. Bu təlimlər zamanı kağız istifadə azaldılacaq. Belə ki, təlimin gündəliyi qabaqcadan iştirakçıların emailinə göndəriləcək, baner rəqəmsal formatda təqdim olunacaq, anket sorğular və rəylər google anket üzərindən aparılacaq.

   
   

2. 🏥 Səhiyyə təlimi: Aztəminatlı ailələr üçün pulsuz müayinə imkanı yaradılacaq.

   
   

3. 🌳 Ekoloji aksiya: Mingəçevirdə su hövzəsi ətrafında, Sahil Parkı ərazisində təmizlik kampaniyası keçiriləcək. Şəhərin giriş hissəsində yeni yaşıllıq zolağının yaradılması üçün (120 ədəd çinar ağacı əkiləcək) yerli yaşıllaşdırma və sanitar təmizlik idarəsinin işçiləri, Mingəçevir Dövlət Universitetinin tələbələri aksiyaya qoşulacaq.

   
   

4. 👩‍💻 Gənc analar üçün təlim: İşsiz gənc qadınlara rəqəmsal bacarıqlar və kiçik biznes dəstəyi göstəriləcək, bununla da onlar iqtisadi cəhətdən səlahiyyətləndiriləcək.

   
   

5. ☀️ İki il ərzində Mingəçevirin təhsil müəssisələrində və digər yerlərində “Günəşdən işıq və isti su alan şəhər” adlı layihəni həyata keçirməklə 30 ictimai binada günəş panelləri və günəş su çənləri quraşdırılacaq, həmin müəssisələrin daimi və təmiz enerji ilə təchiz edilməsinə və əsasən də sanitar qovşaqlara isti su verilməsinə nail olacaq.

   
   

✅ Yekun

Bu bələdçi “Mingəçevir Valideynlər Assosiasiyası” İctimai Birliyinin tədbirlərinin davamlılıq prinsiplərinə uyğun keçirilməsini təmin edir. Vizual qrafiklər, diaqramlar və statistikalarla zənginləşdirilmiş struktur, təşkilatın təcrübəsinə uyğun olaraq hər il təkmilləşdiriləcək.

Xəzər Universitetində pestisidlərin təhlükələri müzakirə olundu

Azərbaycanda və regionda ekoloji təhlükələrin qarşısının alınması məqsədilə mühüm tədbirlər davam edir. Avqustun 15-də Xəzər Universitetində keçirilən dəyirmi masada pestisidlərin insan sağlamlığına və ətraf mühitə vurduğu ziyanlara diqqət çəkilib. Tədbir BMT-nin Ərzaq və Kənd Təsərrüfatı Təşkilatının (FAO) dəstəyi ilə yaradılan "ToxicNet" Regional Şəbəkəsi çərçivəsində təşkil olunub.

Dəyirmi masada əsas diqqət qalıq pestisidlərin ətraf mühitə vurduğu ziyana və onların utilizasiya yollarına yönəldilib. Ekspertlər qeyd ediblər ki, sovet dövründə Azərbaycana gətirilən pestisidlər hələ də ciddi təhlükə mənbəyidir. Bu maddələr torpağa və bitkilərə hoparaq, qida zənciri vasitəsilə insana keçir və xərçəng kimi ağır xəstəliklərə səbəb olur. FAO ilə birgə həyata keçirilən tədbirlərdə də qeyd olunduğu kimi, Azərbaycanda köhnəlmiş pestisidlərin dayanıqlı idarə olunması üçün bir sıra tədbirlər görülüb, lakin problem hələ də aktualdır.

Müzakirələrdə vurğulanıb ki, pestisidlərin həddindən artıq istifadəsi torpağın sağlamlığına, bitkilərə və qida təhlükəsizliyinə zərər vurur. Məsələn, qlobal araşdırmalara əsasən, pestisidlər nəzərdə tutulmayan orqanizmlərə – göbələklərə, mikroorqanizmlərə, bitkilərə, həşəratlara və hətta insanlara – zərər verir. Hər il dünyada 3 milyon tondan çox pestisid tətbiq olunur ki, bu da ekosistemlərə ciddi təsir göstərir. Azərbaycanda bu problem sovet mirasının bir hissəsi olaraq daha da qabarıqdır: köhnə anbarlarda saxlanılan pestisidlər torpağı və suyu çirkləndirir, nəticədə qida məhsulları vasitəsilə insanlar bunlara məruz qalır.

İstifadə olunmuş sahələrin təmizlənməsi prosesi çox çətin və uzunmüddətlidir. Ekspertlər bildiriblər ki, bu məsələdə beynəlxalq əməkdaşlıq vacibdir. FAO-nun regiondakı layihələri məhz bu istiqamətdə addımlar atır. Seminarlarda pestisidlərin idarə olunması planları müzakirə olunur. Tədbirdə fikir mübadiləsi aparılarkən alternativ üsullara, ilk növbədə bioloji mübarizə vasitələrinə və dayanıqlı kənd təsərrüfatı təcrübələrinə keçid təklif edilib.

Tədbirdə bir sıra nüfuzlu şəxslər və qurumlar təmsil olunub. Xəzər Universitetinin Ekoloji Araşdırmalar Mərkəzinin professoru Rövşən Abbasov pestisidlərin ekosistemlərə təsirini ətraflı təhlil edib və təmizləmə proseslərinin çətinliklərindən danışıb. FAO layihəsinin milli meneceri Gülər Adığözəlzadə layihənin regiondakı nailiyyətlərini vurğulayıb və yerli icmaların rolunu qeyd edib. Təhlükəli Tullantılar Departamentinin direktoru Yuliya Lobunsova tullantıların idarə olunması və utilizasiya yolları barədə məlumat verib.

Ekologiya və Təbii Sərvətlər Nazirliyinin və QHT-lərin nümayəndələri də qarşılıqlı əməkdaşlıq imkanlarını müzakirə ediblər. Qeyd olunub ki, pestisidlər xərçəng və digər xəstəliklərə yol açır, xüsusilə uşaqlar üçün ciddi risklər yaradır. Həmçinin uzunömürlü kimyəvi maddələrin pestisidlərdə istifadəsi qida zəncirində çirklənməni artırır, qaraciyər, böyrək xəstəliklərinə səbəb olur. Bu məsələlər qlobal miqyasda aktualdır, dünyanın bir çox ölkələrində pestisidlərin səbəb olduğu xəstəliklər barədə araşdırmalar aparılır.

Pestisidlərin yaratdığı risklər – xüsusilə Sovet dövründən qalan miras – həm insan sağlamlığına, həm də ekosistemlərə ciddi ziyan vurur. Ekspertlərin fikrincə, bu problemin həlli üçün yerli və beynəlxalq əməkdaşlıq, alternativ üsullara keçid və maarifləndirmə kampaniyaları vacibdir. FAO-nun dəstəyi ilə davam edən layihələr Azərbaycanı və qonşu ölkələri daha təmiz və dayanıqlı gələcəyə yaxınlaşdıracaq. Bu kimi tədbirlər, cəmiyyəti "Yediyin sənsən" prinsipi ilə hərəkətə keçməyə çağırır.

ToxicNet şəbəkəsi "Dayanıqlı İnkişaf Mərkəzi" İctimai Fondu tərəfindən icra olunan layihənin bir hissəsidir və əsas məqsədi Azərbaycan, Qazaxıstan, Qırğızıstan və Tacikistan kimi ölkələrdə yerli icmaların və qeyri-hökumət təşkilatlarının (QHT) potensialını gücləndirməkdir. Onun fəaliyyəti davamlı üzvi çirkləndiricilər (POPs) və köhnəlmiş pestisidlər kimi kimyəvi maddələrin yaratdığı ciddi ekoloji və sağlamlıq risklərinə qarşı mübarizəyə yönəlib. Şəbəkə çirklənmiş ərazilərdə əməkdaşlığı təşviq edərək, torpaq, su, hava və tullantılar vasitəsilə yayılan pestisidlər, ağır metallar və digər zərərli kimyəvi maddələrin təsirini minimuma endirməyi hədəfləyir. FAO-nun dəstəyi ilə regionda oxşar layihələr artıq həyata keçirilib. Məsələn, Mərkəzi Asiya ölkələrində köhnəlmiş pestisidlərin idarə olunması üzrə seminarlar təşkil olunub. Bu tədbirlər dayanıqlı kənd təsərrüfatının inkişafına töhfə verərək, pestisid risklərini azaltmağa kömək edir.

Tədbirin sonunda iştirakçılara sertifikatlar təqdim olunub.

MVA “Böyük Qayıdışa hazırlaşan keçmiş köçkünlərlə iş”i davam etdirir

“Mingəçevir Valideynlər Assosiasiyası” İctimai Birliyi ənənəsinə sadiq qalaraq, keçmiş məcburi köçkünlərin məşğulluğu ilə bağlı tədbirlərini davam etdirir. Birlik 2025-ci il mayın 1-dən “Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi” Publik Hüquqi Şəxsin qrantı ilə “Böyük Qayıdışa hazırlaşan keçmiş köçkünlərlə iş” layihəsinə start verib.

Məqsəd uzun illərin həsrətindən sonra doğma yurdlarına dönəcək şəxslərin yeni sosial-iqtisadi mühitə inteqrasiyasını dəstəkləməkdir. Nəticədə onların məşğulluq imkanlarını artırmaq, İT bacarıqları kimi müasir dövrün tələblərinə uyğun peşə biliklərini inkişaf etdirmək imkanı yaranıb. Hazırda Azərbaycanda İT sektoru sürətlə inkişaf edir, lakin bu sahədə bacarıqlı kadrların çatışmazlığı müşahidə olunur. Azərbaycan Dövlət Statistika Komitəsinin məlumatına görə, ölkədə rəqəmsal biliklərə sahib işçi qüvvəsinin ümumi məşğulluq bazasındakı payı aşağıdır (təxminən 18-20%).

MVA İB-nın və layihənin rəhbəri Fərman Nəbiyevin açıqlamasına görə, keçmiş köçkünlərin bu sahəyə inteqrasiyası həm onların fərdi inkişafını təmin edəcək, həm də ölkə iqtisadiyyatına töhfə verəcək: “Təlimlərdə iştirak edənlərin ən azı 80%-nin şəxsi və peşəkar inkişafında müsbət dəyişikliklər müşahidə olunacaq. İT kurslarını uğurla bitirənlərin 50%-dən çoxu yeni iş yeri tapacaq və ya sərbəst layihələrdə iştirak etməyə başlayacaq. Nəticədə layihə keçmiş köçkünlərin bilik və bacarıqlarını artıracaq, onların yeni həyatlarına uğurla inteqrasiyasına yardım edəcək. Təlimlər həm də iştirakçıların sosial mühitdə özünəinam və fəallığına təsir göstərəcək. Onların gələcəkdə kiçik sahibkarlıq təşəbbüslərinə qoşulması, özlərini maliyyə baxımından təmin etmə qabiliyyətinə sahib olması da gözləniləndir”.

Layihə rəhbəri onu da əlavə edib ki, təlimlər Mingəçevir və Bərdədə 30 nəfər üçün 2 ay ərzində nəzərdə tutulub: “Benefisiarların seçimi zamanı gender balansını təmin etməyə çalşacağıq. Biz hətta maraqlıyıq ki, daha çox qadınlar qatılsınlar. Çünki ailədə savadlı qadının olması uşaqların gələcəyinə daha müsbət təsir edir. İyul ayının sonunda təlimləri uğurla başa vuranlara sertifikatlar veriləcək”.

“Mingəçevir Valideynlər Assosiasiyası” İctimai Birliyi 2022-ci ildən bəri yerli və beynəlxalq donorların maliyyə dəstəyilə “Məcburi köçkün icmalarında yaşlılar və gənclər arasında qayıdış perspektivi ilə bağlı sorğu və dialoqların keçirilməsi”, “Məcburi köçkünlərin məşğulluq ehtiyaclarının araşdırılması”, “Birgəyaşayış ilə bağlı əhali arasında maarifləndirmə işlərinin aparılması”, "Mingəçevir şəhərində məcburi köçkün icmalarının səfərbərliyi və bacarıqların artırılması", “Keçmiş köçkün valideynlərin “Böyük Qayıdış” üçün hazırlanması: Peşə bacarıqlarının artırılması” adlı layihələri icra edib.

Mingəçevirdə 19 yer uğrunda 44 nəfər mübarizə aparacaq

53 saylı Yevlax-Mingəçevir seçki dairəsindən aldığımız məlumata görə, həmin dairə üzrə Mingəçevir bələdiyyəsi üzvlüyünə aşağıdakı namizədlər qeydə alınıb:

1. HEYDƏROV Akif İbad oğlu

1957-cı ildə anadan olmuşdur. Mingəçevir şəhəri, Koroğlu küçəsi, ev 51/40-da yaşayır. Pensiyaçıdır. Namizədliyi özü tərəfindən irəli sürülmüşdür. Bitərəfdir.

2. QULİYEV Anar Kamil oğlu

1975-ci ildə anadan olmuşdur. Mingəçevir şəhər Dilarə Əliyeva küçəsi, ev 14, mənzil 24-də yaşayır. “AMG S GROUP” MMC-nin direktorudur. Namizədliyi özü tərəfindən irəli sürülmüşdür. Bitərəfdir.

3. ŞİRİNOV Əfqan Kamil oğlu

1970-ci ildə anadan olmuşdur. Mingəçevir şəhər Yaşar Muradov küçəsi, ev 37/37-də yaşayır. İşləmir. Namizədliyi özü tərəfindən irəli sürülmüşdür. Bitərəfdir.

4. TANIRVERDİYEV Vahid Zahid oğlu

1950-ci ildə anadan olmuşdur. Mingəçevir şəhər İsmət Qayıbov küçəsi, ev 6, mənzil 32-də yaşayır. Pensiyaçıdır. Namizədliyi Yeni Azərbaycan Partiyası tərəfindən irəli sürülmüşdür. Yeni Azəebaycan Partiyasının üzvüdür.

54 saylı Mingəçevir seçki dairəsindən aldığımız məlumata görə, həmin dairə üzrə Mingəçevir bələdiyyəsi üzvlüyünə aşağıdakı namizədlər qeydə alınıb:

5. ABDULLAYEV Fərhad Ənvər oğlu

1986-cı ildə anadan olmuşdur. Mingəçevir şəhərində yaşayır. Tərtər Regional Qaz İstismar İdarəsinin Mingəçevir şəhər şöbəsinin yardımçı fəhləsidir. Namizədliyi özü tərəfindən irəli sürülmüşdür. Bitərəfdir.

6. ABDULLAYEVA Xədicə Elxan qızı

2000-ci ildə anadan olmuşdur. Mingəçevir şəhərində yaşayır. Mingəçevir Dövlət Universitetinin müəllimidir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

7. ABUZƏROV Kamran Ayaz oğlu

2001-ci ildə anadan olmuşdur. Mingəçevir şəhərində yaşayır. “AZNEFTEMAŞ” ASC-nin Hazırlıq qaynaq sexində əl ilə elektrik qaynaqçısıdır. Namizədliyi özü tərəfindən irəli sürülmüşdür. Bitərəfdir.

8. AĞA Qalib Şəmsəddin oğlu

1961-ci ildə anadan olmuşdur. Mingəçevir şəhərində yaşayır. İşləmir. Namizədliyi özü tərəfindən irəli sürülmüşdür. Bitərəfdir.

9. AĞAYEV Şirin Kamal oğlu

1964-cü ildə anadan olmuşdur. Mingəçevir şəhərində yaşayır. İşləmir. Namizədliyi Azad Vətən Partiyası tərəfindən irəli sürülmüşdür. Azad Vətən Partiyasının üzvüdür.

10. ALŞANOV Vüsal Elşad oğlu

1988-ci ildə anadan olmuşdur. Mingəçevir şəhərində yaşayır. Mingəçevir Mərkəzi xəstəxanasının aparıcı mühasibidir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

11. BAĞIYEV Abid Əlif oğlu

1981-ci ildə anadan olmuşdur. Mingəçevir şəhərində yaşayır. “Elite Food Company” MMC-nin satış təmsilçisidir. Namizədliyi Demokratik İslahatlar Partiyası tərəfindən irəli sürülmüşdür. DİP-in üzvüdür.

12. BƏKİROV Tural Seymur oğlu

1984-cü ildə anadan olmuşdur. Mingəçevir şəhərində yaşayır. İşləmir. Namizədliyi Ağ Partiyası tərəfindən irəli sürülmüşdür. AğP-nın üzvüdür.

13. BƏŞİROVA Turanə Qurban qızı

1990-cı ildə anadan olmuşdur. Mingəçevir şəhərində yaşayır. Yevlax şəhər 1 saylı Uşaq Musiqi Məktəbinin fortepiano müəllimidir. Namizədliyi “Ədalət” Partiyası tərəfindən irəli sürülmüşdür. ƏP-in üzvüdür.

14. CƏBRAYILOV Hakim Əlövsət oğlu

1990-cı ildə anadan olmuşdur. Mingəçevir şəhərində yaşayır. “AZNEFTEMAŞ” ASC-nin Hazırlıq qaynaq sexinin plazma operatorudur. Namizədliyi özü tərəfindən irəli sürülmüşdür. Bitərəfdir.

15. DADAŞOVA Gülnarə Vaqif qızı

1989-cu ildə anadan olmuşdur. Mingəçevir şəhərində yaşayır. Mingəçevir Turizm Kollecinin kompüter operatorudur. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

16. ƏHMƏDOVA Afət Şahid qızı

1987-ci ildə anadan olmuşdur. Mingəçevir şəhərində yaşayır. İşləmir. Namizədliyi Azərbaycan Milli İstiqlal Partiyası tərəfindən irəli sürülmüşdür. AMİP-in üzvüdür.

17. ƏLİYEV Əsəd Şəmil oğlu

1963-cü ildə anadan olmuşdur. Mingəçevir şəhərində yaşayır. İşləmir. Namizədliyi özü tərəfindən irəli sürülmüşdür. Bitərəfdir.

18. ƏLİYEV İlham Elçin oğlu

2002-ci ildə anadan olmuşdur. Mingəçevir şəhərində yaşayır. “Azərbaycan İstilik Elektrik Stansiyası” MMC-nin nəzarətçi maşinistidir. Namizədliyi özü tərəfindən irəli sürülmüşdür. Bitərəfdir.

19. HƏMZƏYEV Faiq Məcid oğlu

1962-ci ildə anadan olmuşdur. Mingəçevir şəhərində yaşayır. “İR MASTER GROUP” MMC-nin layihə rəhbəridir. Namizədliyi özü tərəfindən irəli sürülmüşdür. Bitərəfdir.

20. HƏSƏNLİ İbadulla Eyvaz oğlu

1992-ci ildə anadan olmuşdur. Mingəçevir şəhərində yaşayır. “Akkord Mingəçevir” Maşınqayırma zavodu ASC-nin baş mühasibidir. Namizədliyi Haqq Ədalət Partiyası tərəfindən irəli sürülmüşdür. HƏP-in üzvüdür.

21. HƏSƏNOV Fikrət İsmixan oğlu

1970-ci ildə anadan olmuşdur. Mingəçevir şəhərində yaşayır. Mingəçevir bələdiyyəsinin daimi hüquq komissiyasının sədridir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

22. HƏSƏNOV Rövşən Vilayət oğlu

1974-cü ildə anadan olmuşdur. Mingəçevir şəhərində yaşayır. Bakı şəhəri “Azconstuction” QSC-nin qaynaqçısıdır. Namizədliyi özü tərəfindən irəli sürülmüşdür. Yeni Azərbaycan Partiyasının üzvüdür.

23. HƏSƏNOVA Nərgiz Vahid qızı

1999-cu ildə anadan olmuşdur. Mingəçevir şəhərində yaşayır. İşləmir. Namizədliyi Böyük Azərbaycan Partiyası tərəfindən irəli sürülmüşdür. BAP-ın üzvüdür.

24. HƏŞİMOV Vasif Rubail oğlu

1996-cı ildə anadan olmuşdur. Mingəçevir şəhərində yaşayır. Mingəçevir şəhəri İşıqlanma İdarəsinin mühəndisidir. Namizədliyi özü tərəfindən irəli sürülmüşdür. Bitərəfdir.

25. HİDAYƏTOVA Gülnar İldrım qızı

1986-cı ildə anadan olmuşdur. Mingəçevir şəhərində yaşayır. “Kür Olimpiya Tədris İdman Mərkəzi” MMC-nin insan resursları üzrə meneceridir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

26. HÜSEYNOVA Şəmsinur Vaqif qızı

1986-cı ildə anadan olmuşdur. Mingəçevir şəhərində yaşayır. Mingəçevir şəhər Ruhi-Əsəb Xəstəlikləri Dinspanserinin baş həkimidir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

27. XANLAYEV Samrin Nadir oğlu

1996-cı ildə anadan olmuşdur. Mingəçevir şəhərində yaşayır. Mingəçevir şəhəri “İşıqlı gələcək” Gənclər İctimai Birliyinin sədridir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

28. XƏLİLOV Cavid Cəsarət oğlu

1998-ci ildə anadan olmuşdur. Mingəçevir şəhərində yaşayır. Mingəçevir şəhər Yaşıllaşdırma və Sanitar təmizlik idarəsinin hüquqşünasıdır. Namizədliyi özü tərəfindən irəli sürülmüşdür. Bitərəfdir.

29. İSMAYILOV Anar Nadir oğlu

1983-cü ildə anadan olmuşdur. Mingəçevir şəhərində yaşayır.Mingəçevir şəhəri Rəşad Mirabov adına 7 saylı tam orta məktəbin direktorudur. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

30. KƏRİMOVA Nargilə Qərib qızı

1989-cu ildə anadan olmuşdur. Mingəçevir şəhərində yaşayır. Mingəçevir şəhəri Mənzil Təsərrüfatı və Abadlaşdırma İdarəsinin kompüter operatorudur. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

31. QASIMOV Sübhan Rafiq oğlu

1995-ci ildə anadan olmuşdur. Mingəçevir şəhərində yaşayır. “Azərbaycan İstilik Elektrik Stansiyası” MMC-nin mühasibidir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

32. QULİYEVA Ədalət Abid qızı

1961-ci ildə anadan olmuşdur. Mingəçevir şəhərində yaşayır. Mingəçevir şəhər Uşaq Gənclər İnkişaf Mərkəzinin direktorudur. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

33. QURBANOV İlkin Müşviq oğlu

1998-cu ildə anadan olmuşdur. Mingəçevir şəhərində yaşayır. Mingəçevir şəhər Dövlət Dram Teatrının baş kassiridir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

34. MABUDOV Fəxrəddn Mehdiqulu oğlu

1956-cı ildə anadan olmuşdur. Mingəçevir şəhərində yaşayır. Pensiyaçıdır. Namizədliyi özü tərəfindən irəli sürülmüşdür. Yeni Azərbaycan Partiyasının üzvüdür.

35. MAHMUDOV Natiq Firdovsi oğlu

1976-cı ildə anadan olmuşdur. Mingəçevir şəhərində yaşayır. “Azərişıq” ASC, “Mərkəzi Aran” Regional Enerji Təchizatı və Satışı İdarəsi, Mingəçevir Elektrik Şəbəkəsinin satış üzrə baş mütəxəssisidir. Namizədliyi Ana Vətən Partiyası tərəfindən irəli sürülmüşdür. AVP-nin üzvüdür.

36. NƏZƏROVA Gültəkin Rafiq qızı

1996-cı ildə anadan olmuşdur. Mingəçevir şəhərində yaşayır. Mingəçevir bələdiyyəsinin Gənclərlə iş və idman komissiyasının sədridir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

37. NURİYEV Namiq Eldəniz oğlu

2001-ci ildə anadan olmuşdur. Mingəçevir şəhərində yaşayır. “AZNEFTEMAŞ” ASC-nin Hazırlıq qaynaq sexində əl ilə elektrik qaynaqçısıdır. Namizədliyi özü tərəfindən irəli sürülmüşdür. Bitərəfdir.

38. ÖMƏROVA Mahnur Mehman qızı

1995-ci ildə anadan olmuşdur. Mingəçevir şəhərində yaşayır. Mingəçevir Turizm Kollecinin laborantıdır. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

39. SEYİDOV Ruslan Ağamir oğlu

1989-cu ildə anadan olmuşdur. Mingəçevir şəhərində yaşayır. Mingəçevir şəhər Dövlət Dram Teatrının inzibatçısıdır. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

40. TAĞIYEV Samin Sədrəddin oğlu

1986-cı ildə anadan olmuşdur. Mingəçevir şəhərində yaşayır. “Şam-Fi” MMC-nin Mingəçevir ofisinin kompüter mütəxəssisidir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

41. TALIBLI Elşən Müqabil oğlu

1985-ci ildə anadan olmuşdur. Mingəçevir şəhərində yaşayır. “AZTORC” MMC-nin mühəndis dizayneridir. Namizədliyi özü tərəfindən irəli sürülmüşdür. Bitərəfdir.

42. UMUDƏLİYEV Anar Qədir oğlu

1978-ci ildə anadan olmuşdur. Mingəçevir şəhərində yaşayır. “Qədiroğlu” MMC marketlər şəbəkəsinin direktorudur. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

43. ZEYNALLI Nağı Niyaz oğlu

1993-cü ildə anadan olmuşdur. Mingəçevir şəhərində yaşayır. Mingəçevir şəhər Mənzil Kommunal Təsərrüfatı İstehsalat Birliyinin referentidir. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

44. ZEYNALOV Fikrət Qüdrət oğlu

1962-ci ildə anadan olmuşdur. Mingəçevir şəhərində yaşayır. Mingəçevir Tibb Kollecinin direktorudur. Namizədliyi Yeni Azərbaycan Partiyası tərəfindən irəli sürülmüşdür. YAP-ın üzvüdür.

“Mingəçevir işqları” qəzeti redaksiyası yaxın günlərdə namizədlərin seçicilərə yaxşı tanıdılması üçün görüş təşkil etməyi planlaşdırır.

Mingəçevirdə keçmiş köçkünlərə peşə bacarıqları verildi

Sentyabrın 20-də Mingəçevir Media Mərkəzində “Keçmiş köçkün valideynlərin “Böyük Qayıdış” üçün hazırlanması: peşə bacarıqlarının artırılması” layihəsinin yekun mərasimi keçirilib. “Mingəçevir Valideynlər Assosiasiyası” İctimai Birliyinin və layihənin rəhbəri Fərman Nəbiyev bildirib ki, ötən 4 ay ərzində Mingəçevirdə məskunlaşan və qayıdışa hazırlaşan keçmiş köçkünlərin məşğulluq ehtiyacları araşdırılıb: “Bu məqsədlə 64 ailə arasında sorğu aparılıb, peşəyə daha çox marağı və ehtiyacı olanlar dəyərləndirilib. Bundan sonra, 10 nəfər 6 günlük psixoloji, hüquqi və iqtisadi mövzuda təlimlərə, ardınca sahibkar müəssisələrində usta yanında 2 aylıq şagird hazırlığına cəlb olunub”.

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin layihələrin idarəedilməsi üzrə meneceri Fuad Rzazadə Agentliyin xətti ilə həyata keçirilən fəaliyyətlər barədə danışıb, xüsusən bir neçə gün öncə KOB 29 ilə bağlı beynəlxalq təşəbbüslər üçün daha 19 layihəyə maliyyə ayrıldığını vurğulayıb.

Mingəçevir şəhər İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin böyük məsləhətçisi Hafiz Əsədov yerli İH-nin QHT-lərlə işbirliyi qurduğunu və və qayıdış ərəfəsində belə layihələrə daha çox ehtiyac olduğunu nəzərə çatdırıb. Ağdam rayonunun keçmiş köçkünü, Mingəçevir Dövlət Universitetinin dekan müavini, filologiya elmləri doktoru Flora Namazova da Qarabağa qayıdacaq insanların peşə öyrənməyə maraq göstərdiklərini məmnunluqla dəyərləndirib.

Bundan sonra təlim proqramını uğurla başa vuranlara sertifikatlar təqdim olunub. Peşə təliminin iştirakçıları-şagirdlər və ustalar, eyni zamanda qonaqlar bağlanış mərasimində fikirlərini bölüşüblər. Onların qənaətinə görə, ailələrin qayıdışa hazırlanmasında peşə bacarıqlarına yiyələnmə çox vacibdir və insanlar bundan sonrakı həyatlarını Qarabağda layiqli əməkləri ilə davam etdirə biləcəklər. Sahibkar Arzu Azaxova hər iki şagirdinə yanında iş verməyə hazır olduğunu deyib. Laçından olan keçmiş köçkün Şəbnəm Vəliyeva layihədə dərzi peşəsi üzrə əldə etdiyi ilkin bacarıqları artırmaq üçün sentyabr ayından Mingəçevirdəki Asan Peşə məktəbində təhsilə başladığını diqqətə çatdırıb.

Şəhərdəki 1 saylı mediasiya təşkilatının mediatoru İsmayıl İsmayılov, iqtisadçı Elnur Həsənzadə, Xocalı sakini Tahirə Quliyeva, MDU-nun müəllimlərindən İlhamə İsmayılova və Səbinə Novruzova, media nümayəndəsi Aynur Quliyeva və başqaları layihənin həm bu gün, həm də yaxın illər üçün çox aktual olduğunu vurğulayıblar.

Çay süfrəsi ətrafında davam edən mərasimin sonunda şirniyyat peşəsini öyrənən şagirdlərin hazırladıqları və üzərində “Böyük Qayıdış” yazdıqları tort kəsilib.

Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirilib.